తీర్థం పోదామా తిమ్మప్ప

తీర్థం పోదామా తిమ్మప్ప

 తీర్థం అంటే గుడిలో ఇచ్చే తీర్థం అనుకునేరు మా గోదావరి జిల్లాల్లో లో జరిగే ఒక గొప్ప వేడుక ఇది. .... ముఖ్యంగా  ఈరోజు సుబ్రహ్మణ్యేశ్వరస్వామి షష్ఠి కదా  అందుకని  మా గోదావరి జిల్లాల్లో షష్టి తీర్థం జరుగుతుంది.

 ఇప్పట్లాగా ఆన్లైన్ షాపింగ్ లు వుండేవి కాదు ఆ రోజుల్లో.... అందుకని ఇంట్లో వాళ్ళందరూ కలిసి చక్కగా తీర్థానికి వెళ్లి దైవదర్శనం చేసుకొని షాపింగ్ చేసే వాళ్ళు.

 మా ఊరు తీర్థాలు  ఇప్పటి అమెజాన్ కి ఏమాత్రం తీసిపోవండోయ్ .... ఇక్కడ దొరకని వస్తువంటూ ఉండదు.... ఇంటి సామాన్లు, వంటసామాన్లు ,వంటి సామాన్లు అన్నీ దొరుకుతాయి ఇక్కడ.

 నేను ముఖ్యంగా  నాకు ఎంతో ఇష్టమైన జీల్లు గురించి మీకు ఇప్పుడు చెప్తాను.

 జీల్లు ఎప్పుడైనా చూశారా.

 అవునులెండి పిజ్జాలు ,చాక్లెట్లు ,కేకులు అలవాటైపోయింది అందరికీ. 

ఇంక జీల్లు గురించి ఏం తెలుస్తుంది.

 జీల్లు చాలా రకాలు ఉన్నాయి  అండి

బెల్లం జీల్లు

పంచదార జీల్లు

వియ్యపురాలి జీల్లు( దీనికి ఆ పేరు ఎందుకు పెట్టారు అని అమ్మని  అడిగితే చిన్న పిల్లవి నీకు ఎందుకు జీల్లు తిను అంది )సైజులు చాలా పెద్దగా ఉంటాయి అందుకే అలా పిలుస్తారు అనుకుంటాను నాకు తెలీదు.....!

 బెల్లం జీల్లు వంటికి ....పంటికి మంచివి అని.... అమ్మ ఉవాచ !

ఈసారి ఊరికి వెళ్లినప్పుడు జీల్లు దొరికితే తినడం మరిచిపొకండి.....

ముఖ్య గమనిక:::: జీల్లు తినప్పుడు  మీ పల్లకీ ఏ విధమైన ఇబ్బంది కలిగిన.... అనగా పల్లు ఊడటం, కదలడం లాంటివి జరిగితే నా బాధ్యత ఏమీ లేదు.🤓

నా ఆలోచన ఏమిటి అంటే...జీల్లు కూడా Amazon ,bigbasket లో పెడితే అందరికీ వీటి గురించి తెలిసే అవకాశం ఉంది🤔🤔....ఏమంటారు

తిమ్మప్ప::: మా నాన్నఅమ్మ గారు మా చిన్నప్పుడు  బద్దకంగా కూర్చుంటే తిమ్మప్ప లా కుర్చునావు అనేవారు.మీకు ఇప్పడు అర్థం అయింది ఎందుకు ఆ పదం వాడేనో......

లోక సమస్త సుఖినో భవంతు

                                                *********** మీ ఉషగిరిధర్ ***********